Ciidamada Turkiga oo la wareegay tuulooyiin Suuriya ku yaalla

ciidamada turkiga2

Ciidamada Turkiga ayaa qabsaday dhowr tuulo oo ku yaalla Wuqooyiga Suuriya, sida ay ku warrantay warbaahinta dalka Turkiga.

Turkiga ayaa maalinkii saddexaad waxay wadaan duullaan ka dhan ah maleeshiyaadka Kurdiyiinta .

Ciidamadda Turkiga oo ay weheliyaan mucaaradka Suuriya ee ay iskaashiga leeyihiin ayaa la sheegay in ay la wareegeen maanta dhowr goob oo ka tirsan gobolka Afrin.

Dowladda Turkiga ayaa u aragta maleeshiyaadka Kuridiyiinta ee YPG koox argagixiso ah.

Maleshiyaadka YPG, oo gacanta ku haya inta badan wuqooyi bari Suuriya ayay Turkiga u arkaan in ay yihiin jabhadda PKK oo la sii balaariyay .

Kooxda YPG waxay beeniyeen in ay xiriir toos ah la leeyihiin PKK,waxa ayna maleeshiyaadkan qayb muhim ah ka yihiin dagaalka ka dhanka ah (IS).

Xukuumadda Ankara ayaa cambaareysay in Mareykanka ay taageeraay maleeshiyaadka YPG.