Reer K/Waqooyi oo ka walaacsan Kim Jong Un oo yara caatoobay?

0
kim jong un

Balse Cheong ayaa sheegay in laga yaabo in Kuuriyada Waqooyi ay isku dayeyso in xaaladda haatan ee Kim ay ku tilmaanto inuu dadaal ugu jiro horumarinta nolosha dadka.

“Waxaa laga yaabaa in Kuuriyada Waqooyi ay isku dayeyso inay dadka ka gaddo fekerka ah in Kim Jong Un uu u caatoobay sababo la xiriira inuu aad u shaqeynayo si uu u horumariyo nolosha bulshada,” ayuu yiri Cheong.

Haatan, xaaladda gudaha Kuuriyada Waqooyi ayaa u muuqata mid aan wanaagsaneyn. Kim ayaa horraantii bishan qabtay shir muhiim ah oo looga hadlayay xaaladda abaar ee ka jirta dalkaas.

Beeralleyda dalkaas ayaa weli ka soo kabanaya duufaantii sanadkii hore. In dibadda wax laga soo dhoofiyana way adag tahay xilligan oo xudduudaha qaarkood loo xiray sababo la xiriira xayiraadaha Covid-19.

Kim ma uusan carrabaabin xaddiga cunno yaraan ee dalkaas ka jirta, balse hay’adda Qaramada Midoobay u qaabilsan cunnada ee (FAO) ayaa dhowaan sheegtay in Kuuriyada Waqooyi ay ka jirto cunno yaraan qiyaastii 860,000 oo tan ah.

LEAVE A REPLY

Please enter your comment!
Please enter your name here