Shirka Golaha Wadatashiga Qaran ee shalay ka furmay magaalada Muqdisho ayaa maalintii labaad galay.
Shirkan oo ka furmay Teendhada Afisyooni una dhaxeeya dowladda federaalka Soomalaiya iyo madaxda maamul-goboleedyada ayaa waxaa looga hadlay dhammeystirka Heshiiska 17 September iyo in xal loo helo khilaafka ka taagan doorashada.
Waxaa xarunta shirka ku sugan oo ka qeyb galay madaxda maamul-goboleedyada Jubbaland, Puntland, Koonfur Galbeed, Hirshabeelle iyo Galmudug iyo guddoomiyaha gobolka Banaadir, waxaana shir guddoominaya Ra’iisul Wasaare Maxamed Xuseen Rooble.
Shirka oo ay albababada u xiran yihiin ayaa ilo ku dhow dhow waxay sheegeen inuu u socdo sidii loogu talo galay.
Maalinta berri ah ayaa la filayaa inuu soo gabagaboobo lagana soo saaro qodobbada lagu heshiiyay.