Dowladda Britain ayaa sheegtay in 14 bisha June duulimaadka ugu horreeya ee si qasab ah loogu qaadi doono dadka magangalyo-doonka ah la gayn doono dalka Ruwanda.
Xafiiska wasaaradda arrimaha gudaha wax faafaahin ah kama bixin tirada qaxootiga la gaynayo Ruwanda.
Sargaal ayaa BBC u sheegay in dadkan dhammaantood imika lagu hayo goob xero ah.
Arrintan ayaa qeyb ka ah siyaasadda cusub ee UK, ay dadka magangalya-doonka ah ee Britain soo gaara lagu geynayo dalka Ruwanda.
Dadkan ayaa badankood ka soo galay Britain dhanka badda iyaga oo adeegsanaya Doomo.