Dalka kenya waxay dood ka taagan tahay saami qeybsiga dhaqaalaha dalkaasi.
Waxaa maanta lagu wadaa in aqalka sanetka ee dalka Kenya ay ka doodaan isla markaana ay cod u qaadaan hanaanka qeybsiga dakhliga ama dhaqaalaha dalka.
Hanaankan oo dhowr jeer ay xubnaha sanetka ay ka doodeen ayaan laga gaarin wax heshiis ah .
Qaar ka mid ah degaanada dalka ayaa u arka in haddii nidaamkan sida uu yahay haatanlagu ansixiyo ay degaano badan lacago ku waayni karaan.
Gobollada ay degaan dadka xoola dhaqatada ah oo woqooyi bari kenya ka mid yahay ayaa waayaya dhaqaale badan oo ay gobolladan heli jireen halka kuwa sida Nairobi iyo bartamaha Kenya ay heli doonaan dhaqaale aad u badan.
Arrintaa waxaa diidan xildhibaannada woqooyi bari kenya. waxaa ka mid ah xildhibaan Bashiir Cabdillaahi Sheikh oo ku magac dheer Major Bashiir oo ah xildhibaan laga soo doorto waqooyiga Mandheera.
