Al-Shabaab oo burburiyey xarun ay leedahay shirkadda Isgaarsiinta Safaricom Kenya

0
alshabab somalia

Al-Shabaab ayaa sheegatay mas’uuliyadda weerar lagu burburiyey Xarun ay laheyd Shirkadda Isgaarsiinta Safaricom ee laga leeyahay dalka Kenya taas oo ku taalla deegaan lagu Magacaabo Dabasiti oo hoostagta degmada Ceelwaaq Kenya.

Deegaanka la weeraray ee Dabasiti ayaa waxaa ku sugnaa Ciidamo ka tirsan Booliska Kenya,waxaana la sheegay in dagaalka kadib ay Ciidamadaas isaga baxeen taas oo keentay inay Al-Shabaab galaan.

Al-Shabaab ayaa waxaa ay sheegeen inay weerarkaas ku gubeen oo ay dab qabadsiiyeen Xarunta Shirkadda Safaricom oo ay leedahay Dowladda Kenya.

Si kastaba weerarkaan ay Al-Shabaab ku burburiyeen Xarun ay laheyd Shirkadda Isgaarsiinta Safaricom ayaa waxaa uu kusoo aadayaa xilli xalay Al-Shabaab ay weerar ku qaadeen Saldhig Ciidamada booliska Kenya ku leeyihiin deegaanka Goorisa oo hoostaga Magaalada Gaarisa,kaas oo geystay khasaaro kala duwan.

LEAVE A REPLY

Please enter your comment!
Please enter your name here