Xafladdii caleemo-saarka Axmed Madoobe oo mar kale dib u dhacday

0
Axmed Madoobe3

Xildhibaan Cabdirisaaq Axmed Maxamed (Jindi) oo ka tirsan baarlamaanka Soomaaliya ayaa shaaciyey in markale dib loo dhigay xafladda caleema saarka ee Madaxweynaha Jubbaland, Axmed Maxamed Islaam (Axmed Madoobe).

Jindi oo wareysi siiyey Idaacadda Risaala ayaa sababta ku sheegay in weli ay caqabado ka jiraan safarada lagu aadayo magaalada Kismaayo ee xarunta gobolka Jubbada Hoose.

Sidoo kale wuxuu sheegay in xayiraada dowladda Soomaaliya ay saartay Kismaayo ay saameysay dhammaan mas’uuliyiinta iyo xubnaha ka soo qeyb gali lahaa munaasabadda.

“Way iska cadahay adeer sababtu wax kale ma’ahin carqalado fara badan ayaa waxa ay ka timid safaradii lagu soo aadi lahaa Kismaayo.” ayuu yiri Xildhibaan Cabdirisaaq Jindi.

Ma shaacin Xildhibaanku xilliga rasmiga ah ee la qabanayo caleema saarka, balse wuxuu carabka ku dhuftay in xafladda aysan dhaafi doonin todobaadka dambe.

Dawladda Federaalka Soomaaliya ayaa doorasadii Axmed Madoobe ku tilmaantay waxba kama jiraan, iyadoona xalay soo saartay habraaca doorasho ay ka qabaneyso maamulkaasi.

LEAVE A REPLY

Please enter your comment!
Please enter your name here