Koox Salaadiin uu dhiigyacab Muuse Biixi Cabdi dabadda ka soo riixay oo uu hogaaminayo Suldaanka Subeer Awal Suldaan Xasan ayaa maanta magaalada Hargeysa ka soo saaray Warsaxaafadeed meel ka dhac ku ah caqliga Jamaahiirta Garxajis ee Halganka ka bilowday Buurta Cacan Libaax, kaas oo ka koobnaa labo qodob oo kala ahaa, in Muuse Biixi Ciidamaddiisa dib ugala soo baxo degaamadaas iyo inaan Jamhadu wax dagaal ah qaadin oo xabadda joojiyaan.
Qodobka kowaad waxay ku qarinayaan inaan Muuse biixi haysan Ciidan iyo Awood uu ku gurmado, maadaama aad dhowrkii boqol ee uu haystayna aad shalay cagta mariseen, Ciidankii Somaliland waxna Goojacade ayaa lagu dilay, wixii hadhayna ku gadoonsan yihiin.
Qodobka labaad daacad kama aha ee waa waqti dherersi inta laydiinka diyaargaroobayo ama ay helayaan fursad ay ciidamadda Goojacade ugala soo baxaan, Muuse Biixi iyo inta la shaqeysa waxay dawladnimaddii iyo siyaasadii u qaateen been, khayaano iyo dacaayad baraha bulshadda laga fidiyo.
Jamaahiirta GARXAJIS ha xusuustaan Suldan Xasan iyo kooxdiisu waa kuwii jamaahiirta SSC xaaraantinimeeyeen in lala kulmo ee mudada dheer Caynaba fadhiyey, balse idinku waxaad leedihiin goljilic laydiin soo mari karo sida Cabdiraxmaan Cirro, Faysal Cali Waraabe, Gudigga Caddegude, jindagaagay iyo Horgallo badan.
Jamaahiirta iyo Ciidamadda xaq u dirirka SSC waxay si dhaqso ah idiinku balanqaadayaan war farxad idiin leh oo Taliska Dhiigyacabka Muuse Biixi uu awoodi waayo inuu diyaargarow iyo hub urursi idiin sameysto ee hasii deynina dariiqa Gobanimadda iyo cadaalada ee aad maanta cagta saarteen, kana faaiideysta Dagaalka Gobolka Sool, saacadii idin dhaaftaa waa dahab qaaliya oo aydin dib dambe u heli doonin.
