Golaha Ammaanka ee Qaramada Midoobay, ayaa u codeeyay in cunaqabateynta hubka ay sii saarnaato dalka Soomaaliya.
Arrintani, ayaa waxaa si weyn uga hortimid dowladda Fedaraalla Soomaaliya, oo dalbatay in cunaqabateynta laga qaado, si ay uga guul gaarto dagaallada ka dhanka ah kooxda Al-shabaab.
Qaraarkan ayaa sidoo kale walaac ka muujiyay sii joogitaanka kooxda Daacish ee ku sugan Geeska Afrika.
Waxaa ansixiyey kow iyo toban dal oo u codeeyay in cuna qabateynta hubka ay sii saarnaato Soomaaliya, iyadoo dalalka Ruushka, Shiinaha, Gabon iyo Ghana ay ka maqnaayeen ansixinta qaraarkan.
