Dhowr kamid ah xulafada Mareykanka ah ayaa muujiyay sida ay uga xun yihiin go’aanka Washington ay Ukriane ku siineyso hubka Cluster bomb.
Jimcihii, Mareykanka ayaa xaqiijiyay inuu hubkan muranka dhaliyay u dirayay Ukraine, iyadoo madaxweyne Joe Biden uu ku tilmaamay “go’aan aad u adag”.
Qaar kamid ah xulafada Mareykanka sida, UK, Canada, New Zealand iyo Spain ayaa dhamaantood sheegay inay ka soo horjeedaan adeegsiga hubka.
Hubkan ayaa waxaa mamnuucay ku dhawaad 100 wadan.
Hubkan ayaa caadi ahaan sii daayo bambooyinka yaryar oo badan oo si aan kala sooc lahayn wax uga dili kara aag ballaaran.
