Sida ay qorayso wakaaladda wararka ee Reuters Itoobiya ayaa Talaadada maanta noqotay dalkii saddexaad ee Afrika ee iska bixin waaya deynta lagu leeyahay ka dib markii ay ku guuldareysatay in ay waqtigeeda ku bixiso $33 milyan oo doolar.

Dalka labaad ee ugu dadka badan Afrika ayaa horaantii bishan ku dhawaaqay inuu damacsan yahay inuu si rasmi ah u galo habacsanaan “default” oo ah in dalku muujiyo inuusan iska bixin Karin deynta lagu leeyahay, iyadoo ay soo wajahday culays dhaqaale oo aad u ba’an ka dib masiibada COVID-19 iyo dagaal sokeeye oo socday laba sano, kaas oo dhamaaday Noofambar 2022.

Waxay ahayd in la bixiyo Diseembar 11, laakiin farsamo ahaan waxay haysatay ilaa Talaadada maanta si ay ubixiso taas oo cadaaday in aysan suurta galayn.

Waxay ku biiraysaa labada dal ee kala ah Ghana iyo Zambia oo hore xaaladdan oo kale galay. Dalalka ay sidani ku dhacdo ayuu hoos u dhacaa koboca dhaqaalahoodu sababo ay ka mid tahay maalgashiga oo hoos u dhaca.

Ciidamada Israa’iil ayaa wacad ku maray in ay sii wadi doonaan howlgallada ay ka wadaan gudaha Qasa, balse waxa ay qirteen in dagaalku qaatay waqti adag oo markii hore filashadu sidaan ma aheyn.

Afhayeenka ciidamada Israa’iil ayaa sheegay in ay ballaarinayaan “howlgalka dhulka ee koonfurta iyo waqooyiga marinka Qasa.”

Sidaas oo ay tahay ayaa madaxweynaha Maraykanku Joe Biden waxaa uu sheegay inuu kala hadlay ra’iisul wasaaraha Israa’iil “muhiimadda” ay leedahay ilaalinta rayidka.

Benjamin Netanyahu oo ka jawaabayay hadalkaas ayaa sheegay in dagaalku uu sii socon doono ilaa laga gaarayo hadafka ay dowladdiisu ka leedahay dagaalka.

Madaxweyne Biden ayaa sidoo kale u sheegay wariyaasha in uusan ka codsan Mr. Netanyahu in uu joojiyo dagaalka.

Jimcihii, Golaha Ammaanka ee Qaramada Midoobay ayaa ansixiyay istaraatiijiyad ku baaqaysa in gargaar dheeraad ah loo diro Qasa.

Boqor Burhan Boqor Muuse ayaa soo dhoweeyey goaankii Ismadda SSC, dhanka kale wuxuu ku baaqay in Puntland la badbaadiyo Isimada Puntland isku yimaadaan.

Daawo Garaad Jaamac Garaad Ismaaciil oo ka hadlay goaankii Isimadda ee 17 Xildhibaan ee Puntland kaga jiri jiray degaamada SSC.

Daawo Garaad Cabdilaahi Garaad Saleebaan oo ka hadlay goaankii Isimadda ee 17 Xildhibaan ee Puntland kaga jiri jiray degaamada SSC.

Daawo Garaad Jaamac Garaad Cali oo ka hadlay goaankii Isimadda ee 17 Xildhibaan ee Puntland kaga jiri jiray degaamada SSC.

ISIMADA SSC KHAATUMO OO GOAAMO KA SOO SAARAY 17 XILDHIBAAN EE PUNTLAND KAGA JIRI JIRAY.

Nin dabley ah oo tan iyo shalay jaamacad ku taalla magaalaad Prague dad ku tooganayey ayey boolisku sheegeen inuu isagana is dilay, ka dib marki uu iska hor imaad dhex maray isaga iyo booliiska.

Weerarkaas waxaa ku dhaawacmay 25 qof, markii ninkaas oo jaamacadda arday ka ahaa uu rasaas ku furay. Rasaasta ayaa bilaabatay Khamiistii saacadda Afrikada bari markay ahayd 5tii galabnimo.

Ninka weerarka gaystay ayaa lagu tilmaamay inuu yahay 24 jir la yiraahdo David Kozak, waxaana la aaminsan yahay inuu aabihii meel kale ku soo dilay. Madaxweynaha jamhuuriyadda Czeck Petr Pavel ayaa dadka ka dalbaday inay midoobaan, waxaana lagu dhawaaqay in Sabtida ay noqon doonto maalin qaran oo la baroor-diiqayo.

Masar waxa ay sheegtay in dalalka marinka u leh badda cas ay mas’uuliyad ka saaran tahay ilaalinta iyo bixinta shuruudo ku habboon xorriyadda socdaalka.

Talaadadii, Maraykanku wuxuu ku dhawaaqay 10-xubnood oo isbahaysi ah oo lagu magacaabo Operation Prosperity si ay uga ilaaliyaan maraakiibta ganacsiga ee badda cas inay sii xoojiyaan ka hortagga weerarrada fallaagada Xuutiyiinta ee fadhigoodu yahay Yemen.

Balse Masar iyo Sacuudiga ayaan ku biirin isbaheysiga uu hoggaamiyo Mareykanka.

Maalintii Khamiista, Giriiggu wuxuu sheegay inuu halkaas u diri doono markab ciidan si uu u ilaaliyo maraakiibta.

Milkiilayaasha maraakiibta Giriiga ayaa maamula 20% maraakiibta ganacsi ee aduunka marka la eego awoodooda

Garaad Cabdilaahi Garaad Saleebaan oo madaxdhaqameedka SSC ugu baaqay kulan deg deg ah.