Home Blog Page 648

Sucuudiga oo Dekadda Magaalada Berbera ku soo celisay Markab waday 20 kun oo neef oo Ari ah

xoolo berbera

Dowladda Sucuudiga ayaa Dekadda Magaalada Berbera ku soo celisay Markab waday 20 kun oo Neef oo Ari ah, kaas oo u rarnaa Ganacsatada wax ka dhoofsada Dekadda Magaalada Berbera.

Saraakiil kala duwan ayaa xaqiijiyay in Markabka markii uu ku xirtay Dekadda Magaalada Jiddah la weydiiyay warqadda Caafimaadka xoolaha ee dowladda Federaalka ah ay bixiso lagana waayay.

Markabka oo noociisu yahay MV-FAHAD iyo Arigii oo saaran ayaa ku soo wajahan Dekadda Magaalada Berbera halkaas oo uu ku soo laabanayo.

Wasiirka Xannaanada Xoolaha Somaliland Xuseen Gaafaandhe ayaa xaqiijiyay in Sucuudiga soo celiyay Markabka u rarnaa Ganacsatada Somaliland.

Wasiirka ayaa  in shuruud looga dhigay warqadda Caafimaadka Xoolaha oo ay bixineyso Wasaaradda Xannaanada Xoolaha Dowladda Federaalka ah.

“Waxaad ogtihiin in afar habeen ka hor uu uu dekadda Berbera ka dhoofay Markab siday xoolo oo usii jeeday dekada Jidda ee Sucuudiga Carabiya, wadankaasi uwuxuu ku tagay dalab ka yimid Baanka islaamiga ah ee xoolaha xajka qaadan jirey, waxaanu baanka iyo nimankii Carabta ahaa ee qaadan jirey xooluhu damaanad qaadeen inay xoolahaasi ka dajinayaan dekada Jidda”ayuu yiri wasiir Gaafaadhi.

Waxaanu intaas ku daray “Dawlada Muqdisho markii ay ka war heshay inuu markabkaasi Berbera ka dhoofo duulaan balaaran baa la qaaday, wasiirkii wasaarada xanaanada xoolaha Soomaaliya wuxuu u dhoofay Sucuudi Carabiya wuxuu culays iyo dagaal weyn saaray in aan markabkaasi la rogin.”

Dowladda Sucuudiga ayaa dhawaan ku wargelisay Somaliland in Maraakiibta Xoolaha ka qaada Dekadda Berbera looga baahanyahay Warqad caafimaad oo ay bixisay Dowladda Federaalka ah.

Somaliland ayaa arrintaas ka dhega fureysatay waxaana Ganacsatadu Sucuudiga u dhoofiyeen Markab 20 kun oo Neef oo Ari ah wada, kaas oo hadda dib ugu soo wajahan Berbera.

Maamulka Somaliland ayaa horey u sheegay inay ka madaxbanaan yihiin Dowladda Soomaaliya isla markaasna aysan aqbali karin shuruuda dowladda Sacuudiga ee ah in waraaq ay Somailand ka keensado dowladda Soomaaliya.

Dowladda Sacuudiga ayaa xiriir fiican la leh dowladda Soomaaliya, waxayna kamid tahay dowladaha sida weyn uga soo horjeedo go’aanka ay Somaliland ku dooneyso inay kaga go’do Soomaaliya inteeda kale.

Maamulka Somaliland ayaa ku dhawaad 30 sano raadinayo ictiraaf mana jiro ilaa hadda hal wadan oo u aqoonsaday inay yihiin Dowladda ka madaxbanaan Soomaaliya.

Madaxweyne Farmaajo oo ka tacsiyeeyay dadkii ku dhintay qaraxii Kismaayo

farmaajo2

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa tacsi u diray qoysaska iyo ehellada dadkii ku geeriyooday weerarkii ka dhacay magaalada Kismaayo.

Madaxweynaha ayaa dadka dhaawacyadu soo gaaray u rajeeyey in uu Alle u caafiyo, isagoona Xukuumadda Federaalka Soomaaliya ku jiheeyay in si degdeg ah ay gurmad caafimaad ugu fidiso dadka ay culus tahay xaaladdooda caafimaad.

“Innaa Lillaahi wa innaa Ilayhi raajicuun. Weerarkan argagixisanimo ee ka dhacay magaalada Kismaayo waxa uu muujinayaa yoolka cadawga dadka Soomaaliyeed oo salka ku haya in ay meel kasta ku gumaadaan haldoorkeenna iyo guud ahaan dadkeenna.”

Madaxweyne Maxamed Cabdullaahi Farmaajo ayaa faray hay’adaha ammaanka heer Federaal ee ku sugan Jubbaland iyo kuwa heer dowlad Goboleed in ay sare u qaadan feejignaantooda oo ay sugaan amniga, kana hor tagaan falalka argagixisanimada.

Madaxweynaha ayaa ugu baaqay bulshada Jubbaland in ay xoojiyaan midnimadooda iyo wadajirkooda, siina joogteeyaan la shaqeynta laamaha ammaanka, si loo xaqiijiyo amniga guud ee deegaannada oo ay ku soo food leedahay doorashada Madaxtinimo ee Jubbaland.

Dadkii ku dhintay weerarkii Kismaayo oo la shaaciyey ajaanib ka mid ah iyo shaqsiyaadkii ugu caansanaa

dadkii ugu caansanaa ee weerarkii kismaayo ku dhintay

Madaxweynaha Dowlad Goboleedka Jubaland Axmed Maxamed Islaam ayaa ka hadlay weerarkii khasaaraha badan dhaliyay ee ka dhacay magaalada Kismaayo.

War lagu daabacay Bogga Facebook ee Madaxweynaha Jubaland ayaa lagu sheegay in weerarkii Kismaayo ay ku dhinteen 26 qof, 56 kalena ay ku dhaawacmeen.

Dadka dhintay waxaa kamid ah  Hodan Naleeyeh oo ah gabar saxafiyad ah haysatayna dhalashada Canada oo ay dhowaan kasoo laabatay ayaa ku geeriyootey dhacdadaasi oo ay Al-Shabaab sheegatay.

Wararka ayaa intaasi ku daraya inseygeeda, Fariid Jaamac, kaasi oo wasiir kasoo noqdey Puntland ahaana ganacsade uu kamid noqday dadkii ku baxay mashaqadaasi.

Marxuumadda ayaa ah aas-aasaha muuqaal-baahiyaha Integration TV kaasi oo ka warama arrimaha maxaliga ah ee dalka iyo qurba joogta Soomaaliyeed.

Hodan ayaa ku dhalatay Magaalada Laascaanood ee xarunta Gobolka Sool 1976-dii, waxaa la dhashay 4-wiil iyo 7-gabdhood.

Hodan Naaleeye iyo Qoyskeeda waxa ay Canada galeen 1984-tii, iyaga oo saldhigtay Magaalada Edmonton ee Gobolka Alberta.

Waxbarashadeeda hoose waxa ay ka baxday West Humber Collegiate Institute, halka University of Windsor ay ka qaadatay Shahaada Bachelor-ka, iyada oo ka baratay Farshaxankta iyo Xiriirka.

Waxa ay ahayd qof ku firfircoon baraha Bulshada, waxaana ay ku lahayd dad badan oo ku xirnaa baraheeda.

Hodan iyo Seygeeda waxa ay muddooyinkii dambe ku noolaayeen Magaalada Kismaayo ee Xarunta Gobolka Jubada Hoose.

Maxamed Sahal Gacmadheere, wariye ka tirsanaa talafishinka SBC isla markaana fadhigiisu yahay magaaladda dekadda leh ayaa isna la sheegay in uu kamid noqdey murxuumiinta.

Deeq Ciise Cabdulle, oo u dhaqdhaqaaqa arrimaha bini’aadanimadda ayaa dhankiisa ku jira dadka ku naf-waayey Is-miidaamintaasi. Si lamid ah nabadoon ayuu galaaftey weerarka.

Dadka kale ee ku dhintay weerarkaas waxaa ka mid ahaa Ganacsade lagu magacaabi jiray Arbacow Rukun,waxaa kale oo dadka dhintay ka mid ahaa  Deeq Ciise Wabi oo u shaqeynayay Hay’ad aan dowli ahayn.

Sidoo kale waxaa weerarka Hotelka Cas casey ku dhintay Maxamed Ismaaciil Shuuriye oo ka mid ahaa musharrixiinta xilka madaxweynaha doorashada Jubaland.

Waxaa kale oo weerarkaas ku dhintay Mahad Cabdullahi Nuur (Garguurte) oo ka dhashay qoys Ganacsiga caan ku ah islamarkaana deggan Tanzania,waxaa isaga iyo ganacsato u kala dhashay China iyo Tanzania u tageen Kismaayo in ay qiimeyn ku sameeyaan Ganacsi ay maalgashan karaan, mid ka mid ah dadka u dhashay China ayaa ka mid ah dadka dhintay.

Dadka weerarka Hotelka ku nafwaayay waxaa ka mid ah Nin magaciisa lagu sheegay Ina Cigaal Shidaad oo Kismaayo u joogay arrimaha doorashooyinka Odayaasha dhaqankana ka mid ahaa.

Dadka dhintay waxaa ka mid ah Ajaanib u kala dhashay dalalka kala ah;

Kenyan 3 qof.

Canadian 1 qof.

British 1 qof.

American 2 qof.

Tanzanian 3 qof.

China 2 qof, dhaawac

SAWIRO HAYADDA SVO OO CUNTO IYO AGAB KALE U QAYBISAY DANYARTA TUKARAQ

deeqa danyar svo3

Hayadda wadaniga ah ee #SVO ayaa maanta raashin iyo Agab kale u qaybisay dadka danyarta ah ee magaaladda Tukaraq.

Raashinka iyo Agabka la qaybiyey ayaa ahayd deeq ay dalka Maraykanka ka soo diray hayadda Helping Hand for Relief & Development Africa iyadoo goobta looga mahadnaqay.

Waxaa sidoo kale loo Mahadnaqay Wasiirka Horumarinta Biyaha Somaliland oo balanqaaday inuu bixinayo gaadiidkii ama Noolkii deeqdan lagu gaarsiiyey Magaalada Tukaraq.

Deeqaha noocan oo kale ah ayaa waxweyn u tara qoysas danyar ah oo degaamo badan ku filiqsan.

DAAWO SAWIRADDA:

Hodan Siciid Naaleeye iyo seygeeda oo ku dhintay weerarkii Kismaayo

Hodan siciid naalaye

Waxaa isa soo taraya dadka ku dhintay weerarkii ku bilawday Ismiidaaminta ee lagu qaaday Hotel Madiina oo horay loo oran jiray (Hotel Cascasey).

Dadka ku geeriyooday weerarka waxaa kamid ah Hodan Naaleeye oo ahayd Gabar Caawin jirtay Haweenka danta yar, iyo wariye madaxbanaan oo aas aastay Integration TV.

Sidoo kale waxaa la geeriyooday Seygeeda oo lagu magacaabi jiray Fariid Jaamac kasoo mid noqday Wasiirada Dowlad Goboleedka Jubbaland.

Hodan ayaa ku dhalatay Magaalada Laascaanood ee xarunta Gobolka Sool 1976-dii, waxaa la dhashay 4-wiil iyo 7-gabdhood.

Hodan Naaleeye iyo Qoyskeeda waxa ay Canada galeen 1984-tii, isaga oo saldhigtay Magaalada Edmonton ee Gobolka Alberta.

Waxbarashadeeda hoose waxa ay ka baxday West Humber Collegiate Institute, halka University of Windsor ay ka qaadatay Shahaada Bachelor-ka, iyada oo ka baratay Farshaxankta iyo Xiriirka.

Waxa ay ahayd qof ku firfircoon baraha Bulshada, waxaana ay ku lahayd dad badan oo ku xirnaa baraheeda.

Hodan iyo Seygeeda waxa ay muddooyinkii dambe ku noolaayeen Magaalada Kismaayo ee Xarunta Gobolka Jubada Hoose.

Al-Shabaab oo sheegatay musuuliyadda qarax iyo weerar Kismaayo ka dhacay

alshabab somalia

Ururka Al-Shabaab ayaa durba sheegtay Mas’uuliyadda weerar iyo qaraxyo lagu qaaday Hotel ku yaal Magaalada Kismaayo ee Caasimadda kumeel gaarka ah ee Maamulka Jubbaland.

Jugta qarax xooggan ayaa gelinkii dambe ee maanta ka dhacay Hoteel ammaankiisa si aad ah loo ilaaliyo oo ay deganyihiin siyaasiyiin iyo mas’uuliyiin katirsan maamulka Jubbaland.

War rasmi ah oo kasoo baxay Xarakada Al-Shabaab  ayaa lagu sheegay in xoogagoodu ay weerar xooggan ku qaadeen Hoteelka Cascaseey

“Mujaahidiinta ayaa camaliyad istish-haadi iyo Inqimaasi ah ku qaaday mid kamida Hoteellada ay deganyihiin saraakiisha maamulka Jubbaland” ayaa lagu yiri war kooban oo Al Shabaab kasoo baxay.

Wararka ayaa intaas ku daraya in dagaalyahannada weerarka qaaday ay si buuxda ula wareegeen gacan ku heynta Hoteelka Cascaseey halkaas oo ay ka wadaan toogasho.

Kheyre ma waxa uu jiiray xudduudaha aan la qirsanayn ee gudaha Soomaaliya?

kheyre gaalkacyo

Maxkamadda ugu saraysa ee caddaalada adduunka waxaa horyaala dacwad ay geysey Soomaaliya, taas oo ku saabsan muran ka taagan xudduud badeedka Soomaaliya iyo Kenya.

Balse taas ma ahan welwelka kaliya ee ay tahay in ay ka fikiraan madaxda dowladda federaalka sida uu sheegayo Prof Xuseen Macalin Iimaan oo ah falanqeeye siyaasadeed, wuxuuna qabaa in ay jiraan xudduudo dalka gudihiisa ah oo ay tahay in dowladda ay si uun u maareeyso.

Dhowaan markii Ra’isulwasaare Xasan Cali Kheyre tagay Waqooyiga Gaalkacayo, kadibna meel fagaaro ah kula hadlay dadweyne badan oo isu soo baxay, waxaa arrintaas dhaleeceeyey dowlad goboleedka Puntland.

Wasiirka arrimaha gudaha Puntland Maxamed Cabdiraxmaan Dhabancad ayaa yiri “Ra’isulwasaaraha waxa uu si cad u hareer maray hanaankii aan u dajinay, wuxuuna yiri aniga hanaan raaci maayo, umana socdo in isimo , iyo odayaal la kulmo, waxaan u socdaa in aan dhalinyaro la kulmo”.

Wuxuu intaas ku daray in Ra’isulwasaaraha uu qas iyo foowdo ka sameeyay gudaha Puntland, islamarkaasna gacan dhaafay maamulka.

Prof Xuseen ayaa qaba in madaxda sare ee federaalka oo kaliya aysan ahayn kuwa caqabadaha ay ka qabsadaan marka ay tagaan deegaanada ay maamul goboleedyada ka taliyaan, wuxuuna yiri “Arrintaas waa arrin jirta , kana mid ah waxyaabihii nagu soo biirey 30-kii sanno ee lasoo dhaafay, in xuduudaha aan jirin ee beenta in la abuurto, dhibaatooyinka jira ee kale waxaa ka mid ah in dad shaqo u aaday oo dowladda dirtay, oo wasaaradoodii shaqo u dirtay, meel tagay, kadibna gobolkii ay tageen laga soo musaafuriyay sidii dal ajnabi in ay tageen oo kale”.

Madaxda federaalka ma tahay in ay u idin qaadato tagista dalka gudihiisa?

Dowladda federaalka iyo dowladdaha xubnaha ka ah qaarkood waxaa ka dhaxeeya khilaaf ragaadiyay xiriirkoodii, oo xitaa kaliya aan ku ekeyn arrimaha gudaha, ee sidoo kale waxa ay xitaa isku maandhaafeen arrimaha dibedda.

Prof Xuseen Macalin Iimaan waxa uu qabaa in marka laga qiyaas qaato jawiga siyaasadeed ee hadda dalka ka jira, in Ra’iusulwasaaraha uu sameeyay qamaar, wuxuuna yiri “Arrintaas waxay ka mid tahay xero-taraarka siyaasadeed dadka madaxda ay sameeyaan marka aysan aad ugu caddeyn moowqifka maamulka ay la macaamilayaan iyo xiriirka dadweynaha iyo maamulkaas ka dhaxeeya, waa nooc qamaar ah, natiijada kasoo baxdaana waxay ku xirantahay moowqifka ay ka qaataan odayaasha iyo shacabka intiisa kale”.

Waxa uu intaas ku daray “Ra’isulwasaaraha iyo waftigiisa waxa ay qaateen go’aan ah in iyaga iyo shacabkaa aan loo dhaxaynin, umana arkaan in ay fasax u qaataan in shacabka Soomaaliyeed ay la hadlaan”.

Ra’isulwasaare Kheyre oo dadweyne tiro badan kula hadlayay garoonka Cawaale Liibaan ayaa u muuqday in isla arrintaas uu ka shanqariyay “Shacabka iyo dowladda waa wadnihii iyo beerkii qofka bini’aadamka ah, lama kala qaadi karo shacabka iyo dowladda”.

Falanqeeye Prof Xuseen ayaase sharaxaya in shacabka ay jiho wareer badan ka qabaan qaabka federaala iyo halka uu qadka ka xariiqmo “Markii shacabkii dowlad dhexe aqiinay loo badelay arrimo federaal oo aysan aqoonin, warna u haynin, iyo dowlad goboleedyo la tartamaya dowladdii dhexe markii ay abuurmeen xaaladuha waa is badeleen”.

Isbaheysiga haya talada Itoobiya oo uu khilaafkoodu bannaanka usoo baxay

ethiopia map

Xisbiga Dimuqraadiga ee Amxaarada ee ADP ayaa weerar afka ah ku qaaday xisbiga xoreynta Tigreega ee TPLF kaas oo uu sheegay inuu halis ku yahay mustaqbalka Isbaheysiga haya talada Itoobiya.

Xisbiga haya talada dalka Itoobiya ee (EPRDF) ayaa waxaa ku buhoobay ilaa afar xisbi oo ay kamid yihiin ADP iyo TPLF.

Arbacadii, xisbiga TPLF ayaa ku eedeeyay xisbiga Amxaarada inay la shaqeynayeen ciidammadii khaska waday isla markaasna ay carqaladeeynayaan amniga gobolka.

Waxay arrintani imaaneysaa xilli bishii hore isku day afgembi oo ka dhacay gobolka Amxaarada lagu dilay madaxweynihii gobolkaas Ambachew Mekonen iyo saraakiil sare.

“Xisbiga ADP waa inuu eegaa xaaladda cakiran ee ka taagan gudaha, ayna baaritaan ku sameeyaan dhacdadii lagu dilay saraakiisha iyo waa inay raalli bixiyaan” ayaa lagu yiri bayaanka kasoo baxay xisbiga TPLF.

Shalay, Xisbiga ADP waxaa uu sheegay in aysan wax raalligelin ah bixin doonin.

Marka ay timaaddo arrimaha amni darrada, xisbiga Amxaarada waxaa uu ku eedeeyaa inay lug ku leeyihiin xisbiga Tigreega.

“Waa ay na garab istaagi lahaayeen xilligii aan dhibaatada ku jirnay, xisbiga TPLF ma baddali doono siyaasadihiisa musuqa ah” ayaa lagu yiri qoraal xisbiga ADP uu kusoo qoray Facebook.

Khilaafkan soo kala dhexgalay saraakiisha ka tirsan isbaheysiga ka arrimiyo Itoobiya ayaa waxaa uu halis ku yahay midnimada iyo wadashaqeynta xisbigaas, sida uu BBC u sheegay qof falanqeeyo siyaasadda dalka Itoobiya.

Qarax Ismiidaamin ah iyo weerar Kismaayo ka dhacay

kismaayo map

Wararkii ugu dambeeyey ee naga soo gaarayo Magaalada Kismaayo ee Caasimadda kumeel gaarka ah ee Jubbaland ayaa sheegayo inay weli ciidamadii hubeysnaa ku jiraan gudaha Hotel Cascasey oo ay gelinkii dambe ee Maanta ku galeen weerar ku bilowday qarax ismiidaamin ah.

Sida ay xaqiijiyeen xubno ka tirsan Maamulka Jubbaland, waxaana socdo dadaalo xooggan oo lagu doonayo in lagu soo badbaadiyo Xildhibaano iyo Mas’uuliyiin ku jiro Hotelka.

Illaa hadda waxaa la xaqiijiyey in Hotelka laga soo badbaadiyey Xildhibaan Caana Nuug iyo Senator Iftiin Xasan Baasto.

Sidoo kale waxaa jiro Xildhibaano iyo Diasparo badan oo kasoo jeedo Beesha Axmed Madoobe kuwaas oo ku xayiran Hotelka isla markaasna aan la xaqiijin karin nolol iyo geeri.

Wasiiro ka tirsan Jubbaland ayaa ka mid ahaa sidoo kale dadka Ciidanka Nabad suggida Jubbaland ay soo badbaadiyeen.

Ciidamada Nabadsugidda Jubbaland ayaa howlgal ka wado Hotelka, waxayna wararku sheegayaan inay gudaha hotelka weli ku jiraan kooxihii Al-Shabaab ka tirsanaa ee weerarka kusoo qaaday.

Waxaa jiro khasaaro xooggan oo ka dhashay weerarkaas qaraxa ku bilowday, inkastoo aysan weli noo suurtagelin inaan helno tirada saxda ah.

Faa’iidooyinka caanaha geela oo ay dunida iminka ku baraarugtay

geel

Isticmaalka caanaha Geela ayaa maalman aad ugu soo batay dunida. Dalka Australia ayaa ka mid ah dalalka aadka looga isticmalo oo waxaa haatan ka jira shirkada dhawr ah oo dunida ku baarujinaya muhimadda ay leeyihiin caanaha geela.

Soo saaridda caanaha geela ayaa haatan noqtay mid ka mid ah wax soo saarka dalka Australia iyadoo ay baahidooda dalka gudihiisa iyo dibeddiisaba ay sare u sii kacayso.

Si kastaba haweeneey lagu magacaabo Lauren Brisbane oo ka mid ah dadka caanaha geela ka sameeya wax yaabaha la isku qurxiyo ayaa sheegeeysa in dadka aad u soo jeeteen oo ay jeclaadeen wax soo saarkooda ay ka sameeyeen caanaha geela.

”Waxa aanu dareenaa farxad iyo in aan meel sare joogno marka aan wax soo saarka caanaha geela oo caafimaadka badan leh isticmaalayo. Waxaanu geela u aragnaa in uu ka mid yahay qoyskeena”,ayay tiri Lauren.

”Waa sida dadka oo kale, oo waxay leeyihiin dabeecada kala duwan,aad bay u aqli badan yihiin, naxariista iyo jaceylka ayay wax ka yaqaanaan,Waad la fariisan kartaa oo xaaladda jirta kala sheekaysan karataa, wayna fahmayaan”.

”Waa xayawaan aad u weyn balse haddii aad xushmeyso caqligooda iyo naxariistooda waa ay fududahay in la dhaqdo”.

Shirkadaha sare u sii kacaya ee dalka Australia ayaa waxa isticmaalaan maraakiibta waaweyn ee dalka si ay u dhoofiyaan wax soo saarkooda geela. Geela ayaa markii ugu horreeysay dalka Australia la keenay sannadkii 1940-meeyadii.

Waxaa haatan la aaminsan yahay in Australia ay haatan ku sugan yihiin in kabadan 1.2 milyan oo ah geela duur joogta ah kuwaasi oo u badan geela carabta laga dhaqdo.

Shirkaddii ugu horreysay ee wax soo saarka geela ayaa waxaa Australia laga bilaabay sannadkii 2014-kii, markaa wixii ka dambeyayna waxaa soo batay shirkadahaasi oo haatan waxay ka hawl galaan gobolk kasta oo ka mid ah Australia.

Wax soo saarka caanaha geela ee dunida waxaa aad ugu badan waddamada ku yaal waqooyiga iyo bariga Afrika iyo bariga dhexe. waxaa sidaasi lagu sheegay cilmi baaris ay sameeysay Australia.

Sannadkii 2016-kii Australia waxay soo saartay 50,000 oo liitar oo caana ah halka haatan 180,000 oo liitar ay sannadkasta Australia soo saarto.

Waxaa sare u kaca ku yimi isticmaalka caanaha geela gacan weyn ka gaystay Megan Williams iyo seeygeeda kuwaasi oo dhammaadkii sannadkii 2014-kii waqooyiga Victoria ka bilaabay in geela ay caanaha ka lisaan kuwaasi oo ka bilaabay 3 neef oo kamid ahaa geela duur joogta ah.

Shan sanadood ka dib waxay ganacsigooda ayaa ballaaratay, iyagoo haatanna haysta geel kor u dhaafaya 300 kuwaasi oo ay 60 ka mid ah irmaan yihiin.

Shirkaddan ayaa waxay maalintii soo saartaa ilaa 360 liitar oo caana ah kuwaasi oo boqolkiiba 25 u dira macaamishooda Singapore.

Waxayna haatan doonayaan in ay ku fidaan oo ay wax soo saarkooda gaarsiiyaan dalalka Thailand iyo Malaysia. Waxaa sidoo kale liiska ugu jira Shiinaha iyo Mareykanka.

1...647648649...656Page 648 of 656

QORAALADDII UGU DAMBEEYEY

EDITOR PICKS

POPULAR POSTS

POPULAR CATEGORY

ABOUT US

Newspaper is your news, entertainment, music fashion website. We provide you with the latest breaking news and videos straight from the entertainment industry.

Contact us: contact@yoursite.com

FOLLOW US

© Newspaper WordPress Theme by TagDiv