Madaxweynaha maamulka Galmudug, Axmed Cabdi Kaariye ayaa si rasmiya usoo gudbiyay Xubnaha maamulkiisa Galmudug ku matalaya guddiga doorashooyinka iyo xalinta khilaafaadka ee dhawaan lagu heshiiyey.
Qoor-qoor ayaa gudbiyey afar xubnood oo qeyb ka noqonaya guddigaasi, kuwaasi oo dhawaan si rasmi ah u howl-gali doona, maadama heshiis kama dambeys ah laga gaaray khilaafkii doorashada dalka.
Dhawaan ayaa la filayaa in ra’iisul wasaare Rooble uu wareegto kusoo saaro xubnaha guddiyada doorashooyinka & xalinta khilaafaadka, kuwaasi oo ay soo wada xuleen dowladda federaalka iyo maamul goboleedyadu.
Waxaana ilaa iyo hadda gudbiyay xubnaha guddiga doorashooyinka iyo xalinta khilaafaadka ee matalaya maamulada dalka; Koonfur Galbeed, Jubbaland, Puntland & Galmudug.
Waxa kaliya oo aan weli soo gudbin xubnaha guddigaasi maamulka Hir-Shabeelle, oo isagu wajahaya jahwareer siyaasadeed oo ka dhashay doorashooyinka maamulkaasi.
Hoos ka aqriso magacyada xubnaha uu gudbiyey Qoor-Qoor
1. Garaad Yuusuf Maxamuud: Xubin Gudigga Xalinta khilaafaadka.
2. Mustaf Macalin Cali Salaad: Xubin Gudigga Xalinta khilaafaadka.
3. Cabdicasiis Cabdiraxmaan: Xubin Gudigga Doorashooyinka.
4. Liibaan Axmed Xassan: Xubin Gudigga Doorashooyinka.
