Sacuudiga oo si kulul u cambaareeyay Qaraxii Ex Control Afgooye

0
saudi flag

Boqortooyada Sacudi Carabiya ayaa si kulul u cambaareysay weerarkii ay dadka badan ku dhinteen ee sabtidii la soo dhaafay lagu qaaday isgoyska Ex Control Afgooye.

Kulan ay yeesheen Golaha Wasiiradda boqortooda Sacuudiga kadib ayaa laga soo saaray qoraal lagu cambaareynayo weerarkii loo adeegsaday baabuur weyn oo waxyaalaha qarxa laga soo buuxiyay kaasoo ay ku dhinteen dad ku dhow boqol ruux intaa kabadana ay ku dhaawacmeen.

“Waxaan ugu horeyn tacsi u direynaa eheladii dadkooda ay ku dhinteen weerarkan argagaxa lahaa.”ayaa lagu yiri qoraalka.

“Sacuudiga wuxuu diidan yahay nooc walba oo fowdo, xagjirnimo iyo argagixiso ah,” ayaa lagu yiri qoraalkan kasoo baxay shirka Golaha Wasiirada Boqortoyada Sacudi Carabiya.

Shirka Golaha Wasiirada oo ka dhacay Magaalada Riyadh ayaa waxaa guddoominayey Boqorka Sacuudiga Salman Bin Cabdulcasiis.

Warbixinta kasoo baxday Golaha Wasiirada ayaa kusoo aadeyso xilli Boqorka Sacuudiga iyo Dhaxalsuge Maxamed Bin Salman ay farriin tacsi ah soo gaarsiiyeen Madaxweynaha Soomaaliya Maxamed Cabdullaahi Farmaajo.

Weerarka ka dhacay isgoyska Ex-kontarool Afgooye ayaa waxaa sheegtay ururka Al-Shabaab iyadoo afhayeenka Al-Shabaab uu sheegay in ay ku dileen saraakiil u dhashay dalka Turkiga iyo ilaaladoodii.

LEAVE A REPLY

Please enter your comment!
Please enter your name here