Sheekh M Idiris oo faallo cajiib ah ka qoray Gen. Odowaa Taliyaha Ciidanka Xooga dalka (Sawirro)

0
general odowaa

Sheikh Maxamed Idiris oo kamid ah Culimada Soomaaliyeed kuwooda ugu Caansan ayaa ka hadlay sida uu Arko Taliyaha Ciidamada Xooga dalka Soomaaliyeed Gen. Odowaaa iyo Waxyaabaha uu kusoo Xasuusto

“General Odowaa Yusuf Raage, waa Taliyaha xoogga dalka soomaaliyeed, aqoon shakhsiya uma lihi, laakiin waxaa i soo jiitey haybadda iyo lebbiska xooggeena ee ka muuqda.

Markii aan arkaba wuxuu i xusuusiyaa Gen. Daud Cabdille Allaha u naxariistee, oo markii aanu ardayda iskuuleyda ahayn, wadaniyadda nala ku baray, tusaalena u ahaa, qiimiga iyo quruxda xoogga dalka soomaaliyeed.

 Weliba Gen. Odowaa sida quruxda leh ee koofiyadda uu u saarto, wuxuu i xusuusiyaa Gen. Daud, anoo oday ah ayaan is iraahdaa: war ciidanka ma qorataa!!

Gen. Odowaa waa nin dhalin yar, ay dhici karto in khibrad badani u dhimantahay, hayeeshee waxaan indhihiisa ka akhristay: Daacadnimo, geesinimo iyo xamaasad wadaninimo.

Waxaan is leeyahay haduu helo aragti iyo istraatiijiyad siyaasadeed iyo qalabkiisa oo loo dhamaystiro, malaha wiilkaasu xuduudaha waa soo xiri lahaa! cadawgana meel buu uga soo hari lahaa! “

Taliye guulayso!

LEAVE A REPLY

Please enter your comment!
Please enter your name here