Xoghayaha Guud ee Xisbiga Waddani ayaa sharaxay waxa diintu islaamku ka qabto dulqaadka iyo fekerka Madaxweyne Muuse Biixi ee sheegaya inaan dulqaadka iyo doqoniinadu kala fogeyn.

Daawo:

Odayaal iyo waxbarad ka soo jeeda Beelaha Daaroodka Somaliland ayaa ku baaqay nabadgelyo lagu dhameeyo colaadaha ka taagan Gobolka Sanaag-

DAAWO:

Madaxweynaha Puntland ayaa isna 1 ogosto meel fagaare ah ka balanqaaday inuu sanadka gudihii dhagaxdhigi doono wadooyin isku xidha Garoowe iyo Magaalada taariikhiga ah ee Taleex, sidoo kale Garoowe iyo Boocame, kuwaas oo haddii ay dhaboobaan wax weyn u tari doono nolosha iyo horumarka shacabka degaamadaas ku dhaqan.

Dadweynaha degaamadaas ku dhaqan ayaa si weyn u soo dhoweeyey mashaariicdan oo uu balanqaaday Madaxweyne Deni, iyagoo u rajeeyey inuu kaga dhambeyn doono.

Balanqaadka Jidadka ee Madaxweyne Siciid Cabdilaahi Deni ayaa noqon doona tijaabadii ugu horeysay ee shacabka Goboladda Sool, Sanaag iyo Cayn ay ku qiimeyn doonaan siyaasadiisa ku aadan degaamadaas, oo u balan qaaday inuu xooga saari doono dhaqaale iyo difaacba.

Abaaraha kowdii habeenimo ee xalay ayaa sanqadha rasaastu isku yeedhay dhina bari ee Magaaladda Laascaanood, kadib markii dad hubaysani ay weerar xoogan ku qaadeen saldhig Ciidamada Somaliland ay halkaas ku leeyihiin.

Rasaas xoogan oo labada dhinac isweydaarsanayeen ayaa argagax gelisay dadka shacabka ah ee goobtaas ka ag dhowaa.

Ma jiro wax xaqiijinaya khasaaraha labada dhinac kala gaaray, balse dadka degaanka ayaa ku adkeysanaya inuu jiro khasaare la soo gaadhsiiyey Ciidamada Somaliland, ma jirto wax dhimasho iyo dhaawac ah oo ay ka tageen kooxdii weerarka geysatay.

Weli ma jirto cid sheegatay masuuliyada weerarka.

In ka badan 600 oo ruux ayaa xabsiga loo taxaabay shalay, ka dib markii ay dibadbaxyo aan fasax loo heysanin ka dhaceen magaalada Moscow ee caasimadda u ah dalka Ruushka.

Waxaa sidoo kale lasoo tabiyay qalalaase u dhaxeeya ciidamada booliska iyo mudaharaadeyaasha.

Dadka bannaan baxaya ayaa isugu tagay meelo kamid ah caasimadda, iyagoo tallaabadan qaaday markii ay mas’uuliyiinta dalkaas aqoonsigii kala noqdeen tiro kamid ah musharraxiinta mucaaradka ee isku diyaarinayay doorashooyinka maxalliga ah.

Lyubov Sobol, oo ah haweeney ka mid ah shakhsiyaadka xuquuqda dadka u dooda oo si weyn looga yaqaanno dalkaas ayaa la xiray xilli ay damacsaneyd inay ku biirto dibadbaxyada oo ay ka qeyb qaadanayeen ilaa 1,500 oo ruux.

Muuqaal laga soo duubay mudaharaadka ayaa laga arkayay ciidamada booliska oo ulahooda u isticmaalaya mudaharaadeyaasha, halka qaarkoodna ay xabsiga u taxaabayeen.

Mas’uuliyiinta Ruushka ayaa markii hore sheegay in tirada dadka la xiray ay tahay 30 ruux oo kaliya, dibadbaxana ay ka qeyb galeen 350 qof.

Hay’ad kormeer ku sameysa xariga dadka oo lagu magacaabo OVD-Info ayaa sheegtay in dadka la xirxiray ay ka billowdeen tobannaan balse ay markii dambe gaareen boqollaal.

Booliska ka hortagga rabshadaha ayaa lagu sii daayay caasimadda, waxayna dadka uga digeen inay dibadbax sameeyaan.

Wakaaladda wararka Ruushka ee TASS ayaa soo tabisay in hal askari la dhaawacay isagoo isku dayaya inuu dad xirxiro.

Balse mudaharaadeyaasha ayaa sidoo kale soo tabiyay in boolisku ay si arxan darro ah ula dhaqmeen.

Muuqaal laga sii daayay telefisnka Ruushka, markii dmabena lagu shaaciyay baraha bulshada ayaa lagu arkayay booliska oo dadka bannaanbaxaya dhulka ku muquuninaya, iyagoo haraanti iyo ulo la dhacaya.

Nin ayaa telefisnika Dozhd u sheegay in qof mudaharaade ah laga soo bixiyay gaariga booliska, si loo garaaco, sababta uu ku muteystayna ay ahayd inuu askarta weydiiyay magacyadooda.

Dabayaaqadii isbuucii lasoo dhaafay, booliska ruushka ayaa xabsiga dhigay in ka badan 1,000 qof oo dibadbax ka qeyb qaadanayay, howlgalkaas ayaana ka mid ahaa kuwii ugu weynaa ee dhacay muddo sannado ah gudahood.

Carada ayaa dhalay ka dib markii ay Mas’uuliyiinta doorashada xubno ka mid ah siyaasiyiinta garabyada mucaaradka ka mamnuuceen inay u istaagaan doorashada maxalliga ah ee qorshuhu yahay inay Moscow ka dhacdo 8-da bisha Sitember.

Saraakiisha ayaa sheegay in saxiixyo badan oo ay musharaxiinta la mamnuucay gudbiyeen ahaayeen kuwo been abuur ah. Balse dibadbaxayaasha ayaa sheegaya in dadkaas meesha looga saaray arrimo siyaasadeed awgood.

Dhowrkii maalmood ee ugu dambeeyey hadalhaynta ugu badnayd ee Somaliland ayaa ahayd in Xisbiyaddii Qaranka la heshiisiiyey, waxaana Saxaafada ama Sawiradda ka soo baxayey 3 nin oo Ilmadeer ah, oo Beesha Isaaq ka soo jeeda.

Wax lala yaabo maaha, dhinac kasta oo aad ka eegto hal reer ah baa Somaliland boobay, xisbiyaduna waxay ka mid yihiin agabyada ay wax ku boobaan, haddana waxay meelwalba la taagan yihiin cadaalad, dimoqraadiyad iyo sinaan baa Somaliland ka jirta.

Sawirka hogaamiyeyaasha 3 Xisbi wuxuu ka markhaati furayaa xaqiiqada dhabta ah ee Somaliland ka jirta, in loo dhan yahay iyo inaan loo dhameyn, waana wax Beesha Caalamka iyo Soomaaliduba garan karaan.

Ra’iisul Wasaaraha Soomaaliya Xasan Cali Kheyre  iyo wafdi uu hogaaminayay  ayaa dib ugu soo laabtay magaalada Muqdisho ka dib markii safar qaatay inkabadan bil uu ugu maqnaa deegaano ka tirsan Maamul Goboleedka Galmudug.

Ra’iisul Wasaare Kheyre iyo wafdigiisa ayaa waxaa garoonka diyaaradaha ee Aadan Cadde ku soo dhaweeyay xubno ka tirsan Golihiisa Wasiirada iyo Xildhibaano ka tirsan labada gole.

Mudadii uu booqashada ku joogay deegaano ka tirsan dowlad goboleedka Galmudug ayaa waxa uu booqday magaalooyin dhowr ah oo ka tirsan maamulkaas.

Ujeedada booqashada ra’iisul wasaare Kheyre ee Galmudug ayaa ahayd sidii loo qaban lahaa shir dib u heshiisiin ah iyo doorashada madaxweynaha Galmudug.

Ra’iisul Wasaare Kheyre waxa uu ku guuleystey in heshiis ay la gaarto dowlada federalka ah iyo ururka Ahlu Sunna, isla markaana ay dowladu la wareegto ciidamadii iyo hubkii ururka Ahlu Sunna, iyadoo boqolaal ka tirsanaa ciidamada Ahlu Sunna ay ku biireen ciidamada dowlada federalka.

Dib ugu soo laabashada Ra’iisul Wasaare Kheyre ee magaalada Muqdisho ayaa ku soo beegantay xilli maanta la sugayay in la keeno dalka meydka guddoomiyihii hore ee gobolka Banaadir Cabdiraxmaan Cumar Cismaan.

Qurbajoogta Beelweynta Garxejis ee UK ayaa balanqaaday inay taageero hiil iyo hooba isla garab taagayaan Jamhadda Dulmi-diid ee uu hogaamiyo Korneyl Caarre, sidoo kalena baaqyo u diray Beelaha kalena Somaliland iyo Ciidamadda.

DAAWO:

Kabtanka kooxda qaranka Argentina ee Lionel Messi ayaa muudo 3 bilood ah laga mamanucay cayaaraha kubadda cagta ee caalamiga ah, ka dib markii Koobka Qaramada Ameerica uu ku tilmaay mid musuqmaasuq daashaday.

Weeraryahankan Barcelona u dheela ayaa kaarka casaanka loo taagay cayaartii dhexmartay iyaga Chile, taas oo 2-1 ay Argentina ku guuleysatay balse Messi ayaa markii dambe yiri ” koobka Brazil ayaa iska leh”

32 jirkan ayaa waxaa sidoo kale xiriirka kubadda cagta ee koonfurta Amerika ay ku ganaaxeen lacag dhan 50 oo doolar.

Messi ayaa haatan haysta toddobo maalmood oo uu racfaan kaga qaadan karo go’aanka looga mamnuucayo cayaaraha.

Mamnuuciiddan ayaa waxay sababaysaa in Messi uusan ka qeyb galin cayaaraha saaxibtimimada ee ay Argentina la dheeli doonto Chile, Mexico iyo Jarmalka, kulamadaasi oo la cayaari doono bilaha September iyo October.

Ka dib kulankii nus-dhamaadka ee Brazil 2-0 kaga badisay Argentina, ayay Xiriirka Kubadda Cagta ee Argentina ka anadacoodeen khaladaad dhanka garsoorka ah.

Balse baaritaan ka dib ayaa la sheegay in eedeymahaasi su’aasha galiyay sharfta Koobka Qaramada America ay yihiin waxaba kama jiraan.

Ka dib markii Messi uu daqiiqaddii 37-aad la siiyay kaarka casaanka ah ayuu yiri:

“Ma ahan in aanu ka sii mid ahaano musuq-maasuqan, waxay inoo muujiyeen xushmad darro intii uu tartankaan socday”.

“Waa nasiib darro, musuqmaasuq iyo garsooreyaasha in ay dadka ay u ogolaan waayaan in ay raaxaystaan kubadda cagta”, ayuu yiri Messi.

Xukuumadda Madaxweyne Muuse Biixi ayaa si weyn uga damqatay dhaliilo uu u jeediyey Gudoomiyaha Xisbiga Waddani Cabdiraxmaan Cirro.

Daawo: